Waa maxay MNsure?

Si aad xaq ugu yeelato inaad isu diiwaangeliso caymiska caafimaadka MNsure waa inaad

• Tahay qof degan Minnesota, iyo 
• In aad tahay muwaadin qof u dhashay Maraykan, ama si sharci ah ku jooga, iyo 
• In aan lagu xirin

Akhri waxa ku saabsan arjiga MNsure ku waydiinayso ee ku saabsan muwaadinimada iyo xaalada socdaalka.

Muwaadin Maraykan ah waa qof ku dhashay Maraykanka ama dhulalka Maraykanka qaarkood, ama ku dhashay meel ka baxsan Maraykanka iyo qofka:

• Qaatay jinsiyada dhalashada Maraykanka, ama
  
• Ku noqday muwaadin Maraykan ah jinsiyad qaadashada waalidiintooda, ama
  
• Ku noqday muwaadin Maraykan ah korsashada waalidiin Maraykan ah, ama
  
• Dhalashada ku qaatay markay dhasheen sababtoo ah waxay u dhasheen waalid(waalidiin) muwaadin Maraykan ah, haddii ay shuruudo gaar ah buuxiyeen, ama
  
• Waxa uu ku noqday muwaadin Maraykan ah hawl gal sharci.

Muwaadin u dhashay Maraykanku waa qofkii:

• Ku dhashay American Samoa ama Swains Island, ama
  
• Ku dhashay Northern Mariana Islands oo doortay inuu noqdo dhalasho Maraykan ah halkii uu qaadan lahaa muwaadin Maraykan ah, ama
  
• Ku dhashay meel ka baxsan Maraykanka oo uu dhalay mid ama laba waalid oo haysta dhalashada Maraykanka.

Qofka si sharci ah ku joogaa waa qofka aan u dhalan ee si sharci ah loo siiyay xaqa uu u leeyahay in uu soo galo ama joogo Maraykanka oo aan jebin qodobbada heshiiskooda. Guud ahaan, haddii qofku uu haysto sharci socdaal oo ansax ah, si sharci ah ayay ku joogaan.

Aan si sharci ah ku joogin waxaa ku jiri kara qofka:

• Ku soo galay Maraykanka fasax la'aan (ku soo galay kormeer la'aan), ama
  
• Haysta fiisaha dhacday, ama
  
• Aan dib dambe u haysanin ogolaansho uu ku joogo Maraykanka.